這一兩年，全球經濟動盪，過了新年之後，很多行業都肯定會汰弱留強，如果公司好似亞洲電視一樣一拖再拖，又隨時關閉，不妨諗諗主動辭職，盡早尋覓新天地。
之不過，很多人都對公司有感情，做久了，不免都會好像亞視員工，希望可以留守到最後一刻，如果真的欠缺一點決心，不妨聽聽外國專家意見，再作定斷吧。
Susan Heathfield，自1987年開始，服務超過100間公司客戶及培訓無數員工；在人事管理方面擁有20多年經驗，不少網站及報章的專欄作者。
Susan Heathfield 認為，有以下10個理由，你需要立即辭職：
1. 士氣大跌，無錢無客，仲要有傳聞會執笠。
2. 員工（包括你）同管理層嘅互信關係已經玩完，傷害大到無法修補。管理層已經顯得唔可信。
3. 人工已經無法支撐你生活，如果剛剛結婚或者有小朋友，就更加要認真考慮離開。為了家人，你需要走。
4. 企業文化已經變到同你嘅價值觀唔夾。公司仲係好階級，但你想透過工作，有更多發揮。如果繼續做一間根本發揮唔到嘅公司，長遠會扭曲你嘅工作態度，到時就好難回頭。
5. 返工唔享受。當你到連早上返工都怕嘅時候，你應該走。
6. 公司變晒，管理層又講大話，甚至會有商業道德問題。
7. 間公司嘅員工，喺行內已經被定義為「失敗者」，例如你好耐無做嘢，Skills又落後；如果到累及自己聲譽嘅時候，是時候考慮離開了。
8. 公司根本無team work，你同任何人基本上已經無合作。
9. 份工壓力已經大到影響你同朋友、屋企人關係，身心都就快burnout。
10. 責任、機會，已經唔存在喺一間公司入面。
事實上，上述論點也不過是老生常談，如果你的機構也像亞視一樣，你會認真考慮，過一個沒有包袱的新年嗎？
