HKSPT - Inspiring You Always!
 

余修賢先生 

Mr. Kenneth Yu Sau Yin

  • 香港理工大學企業發展院 客席講師
  • 香港大學專業進修學院 客席講師
  • 香港知專設計學院 講師
  • 數碼港粵港信息科技青年創業計劃 客席講師
  • 數碼港深港信息科技青年創業計劃 客席講師

余修賢先生現為尚志人才培訓有限公司 (SENSE Training House) 創辦人及企業培訓總監,深信人才是企業成長的重要基礎,而每個人都擁有巨大的潛能,透過培訓能將其激發。余先生近年鑽研 LEGO® SERIOUS PLAY® 培訓模式﹑人才管理系統﹑企業培訓及個人潛力提升。他曾獲邀向多間企業提供人才培訓服務,當中包括:HSBC﹑UPS﹑Shell Global 等。他先後擔任多間專上學院講師,包括:香港理工大學企業發展院﹑香港大學專業進修學院﹑香港知專設計學院等。余先生曾榮獲 2012 及 2013 香港理工大學微型基金及海港青年商會青年領袖等多個獎項。

 Kenneth Yu
 
 

余修賢先生  Mr. Kenneth Yu Sau Yin, LEGO® SERIOUS PLAY® 培訓

余修賢先生  Mr. Kenneth Yu Sau Yin, LEGO® SERIOUS PLAY® 培訓

余修賢先生 (Mr. Kenneth Yu Sau Yin) 接受報章訪問及視象片段

生涯規劃唔係齋Talk 導師教用LEGO砌出人生夢想

「生涯規劃」經某個外訪多過留港處理要務的局長一講,幾乎難聽過粗口。學校為學生做的所謂生涯規劃總是簡化為學位規劃,按成績剖析你適合讀乜科。You have a dream?根本無人得閒聽你講。社工余修賢(Kenneth)最近把LEGO SERIOUS PLAY工具帶到學校,讓學生think with hands,用積木砌出夢想。

訪問當日我請Kenneth為讀市場學的大專生歐錦鵬(鵬仔)用LEGO SERIOUS PLAY建構夢想。等陣先,play(玩)但又要serious(認真)?媽,好亂呀!原來LEGO SERIOUS PLAY由LEGO前員工,丹麥人Robert Rasmussen創作開發,本來用於公司開會,要員工飛筆走紙,擠啲創意出來,後來慢慢發展為教授溝通技巧、領導才能、增加團隊精神的培訓工具,歐洲好多大企業都用過。LEGO總公司就一直支持呢件事,官網都有介紹。Kenneth兩年前到英國修讀由Robert親自教授的課程,成為註冊導師(Certified facilitator)。「嗰五日全日朝九晚九,其實好攰,每天用LEGO做比喻、講故事、解決問題。我會形容為hard fun,係個唔容易但開心嘅過程。」
用LEGO砌吓砌吓,咁簡單就做到咁犀利嘅嘢?一切在於化抽象為實在。「呢套工具幫人表達意見,用手帶動腦袋思考,令想法形象化。」做慣輔導嘅佢講嘢有條理,而且總是適時提問,甚至用是非題令對方更易勾勒夢想藍圖。「有時佢哋冇意識砌咗啲嘢出來,可能有啲隱藏想法,就要用問題技巧帶出來。」
鵬仔對未來方向頗清晰,知道自己希望從商開公司,而終極夢想是成為小說作家,但原來他甚少跟人提及這些想法。觀察Kenneth跟鵬仔的互動,Kenneth先借用一套四十多件的LEGO積木讓鵬仔形容自己,熱一熱身;再讓他挑選更多積木砌出夢想;之後請他想像達成夢想的三個影響因素。
完成後鵬仔說:「我覺得成件事清晰咗好多,好似有盞明燈引路咁,易啲行。」他提到中學時很少人告之如何規劃人生。「我慶幸我有位有熱誠嘅老師,否則我會對自己的性格更陌生。」可惜這位老師,一個人要負責一個年級,而且頂多只能指導學生選科。Kenneth補充:「學校找我們這些外間機構做培訓,好多時希望立即解決問題,但往往唔能夠畀我哋單對單或小組形式做深入、長遠嘅夢想規劃。如果可以有兩三節課,或者一個全日會比較好。」

Close Menu
×
×

Cart